250717四午34°C 61%：“全軍覆沒！”

    影藝界最近幾乎每天都有前輩離世，大都是敗給頑疾。
    其中一位懷疑因為愛妻癌末，不忍心看下去，自行先走一步。愛妻果然幾日後追隨上路。
    老來看到這類新聞，除了心噏，更明白為何很多老人的一大心願是“好走”：自己少痛苦，少連累家人。最好是哪天一睡不醒。
    願主眷顧！
    當然也希望科技越來越昌明，不久後，人到了年紀，都可以笑著離開。
    這兩天媒體鋪天蓋地講DSE放榜：讚完‘狀元’兜番下底。
    我離校已大半個世紀，當年考試很平凡，家人近年又無應考者，在這方面並無發言權，只能祝各位考生幸運：考得好的升大後繼續努力，考得麻麻的搵到分數之外的出路。
    近年，我唯一定時的外出活動係上政府既gym班。並非愛做運動，而純粹是看到父母的晚年，希望自己儘量縮短最後一段無法自理的日子，自己少痛苦，更少煩家裏人。
    但年來文康改制：報名後要抽籤。但體育班受歡迎，報名人數>班上名額，抽唔中者要‘執雞’：每月有一日晨早8:30，一齊click入網站，搶報班上未有人take的幾個餘額。但一如上網搶演唱會飛，一兩分鐘就見遺。
    既然報名人數>班上名額，為何會有餘額可供執雞？因為很多人為了增加中籤機會，同時抽好幾種班。抽中二班的話，往往會揀一班而放棄另一班，騰出了名額。
    我一般上4-5點的班，上接3-4點班，下乘5-6點班，每次去上堂，都可以見到3點班和5點班的同學。昨午我們三班超過50人，一見面只有一句話，苦笑住講：
    “全軍覆沒！”
    原來，3班50多人雖然都報番原來的班，但幾乎冇人抽中。
    Why？有同學猜：8月的班多放暑假的學生來玩。他們過去一年從未報個呢班，故抽籤時獲優先入選，餘下我地‘舊生’既名額也就近乎0。
    政府資源有限，這本來無可厚非。但我地的舊生十有九係老嘢，報名來學gym其實係自救：做運動來減輕家人和政府關顧的負擔。如果老嘢踎係屋企，健康只會愈下。最後輸既係社會。
    政府有開長者運動班，但似乎同樣僧多粥少。是否可酌量加碼？